ОПШТИ ИНФОРМАЦИИ ЗА ДУБАИ

Дубаи е еден од седумте Емитрати кои во 1971 година ја формираа државата Обединети Арапски Емирати. За разлика на Абу Даби, кој е седиште на нафтената индустрија и на сите владини институции, Дубаи прерасна во главен трговски центар, во кој туризмот се развива со вртоглава брзина. Дубаи поседува необичен спој на старото и новото, Исток и Запад, постоејќи во еден совршен склад.

Општи информации - Локално време е плус 3 часа во однос на Македонија, Валута – ДИРХАМ.

Ако сте во потрага за одмор или за забава, тука ќе најдете прекрасни услови за спортување и за забава, од голф и спортови на вода до сафари во пустината и крстарење со традиционални дрвени бродови по заливот, крикот на Дубаи. Или едноставно може да уживате во текот на цела година во сонцето и плажите на Дубаи. Дубаи е рај за шопингхоличарите. Златен накит, дизајнерски креации, најнов збор на електрониката и што уште не може да најдете тука, поминувајќи низ продавниците на старите пазари, како и во луксузните трговски центри.

Семејствата со деца ќе откријат дека тука има многу места каде што може да забавува целото семејство - Creekside Park, водениот парк Wilde Wadi, универзалниот парк  Wonder Land, зоолошката градина и многу други занимации. На крајот на денот, Ве очекуваат илјадници ресторани, кои Ви нудат богат избор на јадења и пијалоци за сечиј вкус. Не заборавајте дека алхохолот во арапскиот свет се нуди на ограничен број места, ресторани и хотели и најчесто е многу скап. Дубаи е местото каде што секогаш можете да најде нови работи и места за посета, без оглед колку пати сте го посетувале. Ова е град кој постојано се развива и каде постојано изникнуваат нови и модерни згради пред Вашите очи.

МЕСТА ЗА ПОСЕТА

Најлуксузен хотел Burj Al Arab 7 * - со своите 321 метри, ова е највисок хотел во светот . Единствена зграда која е изградена на вештачки остров, оддалечен на 280 метри од брегот на Персискиот залив поврзани со копното преку тесен мост кој оди над површината на водата. Изградбата на хотелот започнува во 1994 година и е отворен за посетители на 1 декември 1999 година.

Burj Khalifa (Бoрж Калифа) - највисоката зграда во светот од 828 метри. Уникатно архитектонско чудо, кое ќе Ви одговори на прашањето како изгледа Дубаи, пустината и океанот од 124 кат ...Во неа можете да посетите и некој од ексклузивните ресторани и барови (потребна е претходна резервација). 

Atlantis the Palm - Нов и импресивен хотел во Дубаи, кој се наоѓа на врвот на палмата Palm Jumeirah. Тука може да го посетите уникатниот аквариум The Lost Chambers и аква паркот Aquaventure. Во самиот хотел можете да посетите и некој од многубројните барови и ресторани и да уживате во арапската и интернационалната кујна.

Ски Дубаи - првата затворена скијачка патека во светот, во Emirates Mall трговскиот центар, импресивен објект , кој Ви дава неповторлива можност да скијате и да одите на плажа во еден ист ден.

Chill-out – уникатен кафе бар од мраз, во Times Square Mall, кои Ве носи директно на Северниот пол. 
Аквариумот во Дубаи Мол трговскиот центар – уникатен аквариум каде може да видите и ајкули и многу видови на риби и морски останат морски свет. Доколку сакате да влезете во него потребно е да се купи карта во самиот трговски но доколку несакате мал дел од аквариумот може да се види и од ходникот на самиот трговски центар. 

Bastakiya - стариот дел на градот, кои не носи назад во времето и ни го покажува  животот на луѓето на оваа земја пред откривањето на нафтата и на почетокот на развојот на современиот Дубаи. Овој дел од градот се посетува со city tour. За повеќе информации можете да се обратите кај вашиот агент или кај нашиот водич на лице место. 

Creekside Park- прекрасен парк со многу зеленило, со многу игралишта, области за разонода, амфитеатар, игралиште за мини голф. Работно време (проверете го за време на Вашиот престој во Дубаи) 8-22 часот, среда е отворен само за жени и деца. Овде можете да го видите шоуто со делфини и фоки.
Jumeirah Park Beach Garden Една од многуте убаво уредени плажи во Дубаи. Се наоѓа во близина на областа Al Barsha (околу 7 еур со такси). Плажата е комплетно опремени со лежалки, чадори, барови... Влез на плажата е околу 5 еур по лице а доплата за лежалка е околу 3 еур по лице. Целиот простор е опкружен со зеленило. 

Wild Wadi - забавен воден парк, се наоѓа помеѓу Hotel Jumeirah Beach и Burj Al Аrab. Нуди незаборавна забава за деца но и за возрасни.

Miracle Gardens- неверојатно голем простор кој се наоѓа во сред пустина. Вистинска оаза!!! Различни форми, големини, фигури направени од цвеќе.

Пустинско сафари- Нешто што никако не смеете га пропуштите при вашата посета на Дубаи. Незабправно искуство. Возење по екстремно големите дини со комплетно опремени и климатизирани џипови. На крајот на возењето вечера во импровизирано бедуинско село. Можност за јавање камили, бординг по песок, возење на баги колички...

Barasti beach- Moдерна плажа која се наоѓа на палмата. Секој ден организирана забава се до вечерните часови. Влез околу 30 еур со конзумација. 
Ресторани 
 
Дубаи Марина уникатна област со многу ресторани и кафулиња. Вечера покрај море во урбана средина. Доживејте едно поинакво романтично уживање.

Madinat Jumeirah - рафинирани ресторани, современ пазар со уникатни сувенири и неповторлива романса, област која потсетува на Венеција. Спој на традиционалната архитектура во Дубаи и модерниот начин на живот. Имајте ралаксирана вечера или пијте кафе во исклучително релаксирана атмосфера.( работното време ќе го проверите на лице место за време на вашиот престој)

Dubai Creek Golf & Yaht Club - многу средени зелени пространства кои нудат спокојство со поглед на заливот Дубаи. Идеално место за љубителите на луксузот.

Jumairah The Walk – област во близина на хотелот Хилтон Јумара, пешачка зона со ресторани, каулиња и клубови покрај море.

Разиграни фонтани – најимпресивните разиграни фонтани во светот, во рамки на Дубаи Мол (најголемиот трговски центар во светот), спроти највисоката зграда на светот Борж Калифа, кои танцуваат по 18 часот на секој половина час и секој пат на различна песна. Пред нив имате голем избор на ресторани и кафулиња за Ваш одмор. Незаборавно искуство од кое ви навираат солзи во очите.

 
Клубови
 
Zinc - Crowne Plaza Hotel, Shekh Zayed Road, Kasbar - One & Only Royal Mirage Hotel, Barasti - Le Meridien Mina Seyahi Beach Resort & Marina, Buddha Bar - Grosvenor House, 360º Bar - Jumeirah Beach Hotel, Armani bar – во склоп на Хотелот АРМАНИ (кој е во рамки на Борж Калифа), VODA BAR (Zabel Saray Hotel the Palm) или Виетнамскиот ресторан во склоп на истиот хотел, Клуб во хотелот Biblos- веднаш до хотел Auris First Central во овој бар е дозволено служење на алкохолни пијалоци но не и влез на деца под 18 години.

 

Трговски центри

Mall of the Emirates, Dubai mail, Ibn BATTUTA MAIL, Shopping mall - Festival waterfront center – Dubai festival city, WAFI mall, Deira City Center, Times Square, Oasis Center